امتحاناااااااااااااااااااااات ….
كتبها adba
مرحبا للكل .. كيفكن ؟ .. إلنا زمان ما حكينا مع حدا … بس العتب ع الامتحانات …
انشالله موفقين جميعاً .. اللي عندو امتحانات واللي ما عندو كمان .. ادعولي أمانة … ملتقانا ان ألله راد بعد 2009/1/28 ..
وبالمناسبة .. كل عام وإنتو بخير بمناسبة عيد الميلاد وراس السنة .. وانشالله الـ 2009 تكون سنة خير وسعادة للكل .. وانشالله تحققو كل شي بدكن ياه …
كان جايي ع بالي اكتب كذا شغلة بس أجلتن لبعد الامتحان … انطروني ماشي ؟؟؟؟ ..
موفقين دوماً ..
بس اسمحولي .. بدي احكي عن حفلة مارسيل خليفة باللادقية … وإلا بطق ..
كل عام وانتو بخير …
كتبها adba
أول شي يسعد أوقاتكن جميعاً .. صبح وضهر ومسا وبالليل ..
تاني شي انشالله كل أيامكن فرح وسعادة وعيد … وينعاد عليكن هالعيد وكل عيد بالخير والصحة والنجاح .. وانشالله كل واحد منا ومنكن بيحقق كل شي بيتمناه وبيسعالو ..
وبدي اتشكر كل الناس الطيبين والحلوين اللي ألله حطن بطريقي …
شكراً للملتقى اللي أتحلي فرصة يكون عندي هالمفشلة الزغتورة …
شكراً لكل مين فات وعلق و حط مشاركة … شكراً كمان لكل مين فات واكتفى بالصمت …
انشالله ما منجتمع إلا للخير …
شكراً إلكن مرة تانية … كتير مبسوط فيكن وحاسس انكن جميعاً إخوة لإلي …
ألله يوفقكن دوماً لكل شي بتطمحولو …
أخوكن … محمد عدبا
يا سيِّدي ..
كتبها adba
يا سيِّدي ..
يا سيِّدي لحنُ الهوى
أضاءَ ليلي والسهرْ
يا سيِّدي طعمُ الحياة
أعادَ للعين النظرْ
يا أيُّها النورُ المنير
يا من علا فوق البشرْ
قد بتُّ أهواكَ أنا
ويسكنُ القلبَ الخفرْ
إن كنتَ تدري بحالتي
إن كان عطفُكَ قد حضرْ
أشفق على قلبي الذي
في الحبِّ بات يُحتضرْ
وصار للدبانة دكانة .. !!
كتبها adba
طرأت عندي شغلة بـ ” كلية هندسة تكنولوجيا الاتصالات والمعلومات ” بطرطوس .. واللي ما بعرف عنها إلا اسما .. المهم .. نزلت ع الكراج وبلشت اسأل .. وين .. وين .. وين ؟؟ وكل ما سألت واحد ” يبظو ” عيونو مترين لبرا ويسألني .. ” ليش في كلية اتصالات بطرطوس ؟؟!! .. ” .. معهن حق .. يعني أنا لولا الشغل الطارئ فيها شو كان سمّعني ..
أُحبُّكِ …
كتبها adba
أُحبُّكِ …
أحبُّ أن أحبَّكِ حتّى النّهاية
فأنتِ في حياتي الهدفُ والغاية ..
أحبُّ كُرهَكِ لي , وبُغضَكِ
وعذابيَ الّذي أضحى لكِ هواية ..
أحبُّ أن تغضبي .. أن تثوري في وجهي
لأنكِّسَ لك ِ الرّاية ..
أحبُّ سُمومكِ , دبابيسَ شعركِ
تنغرسُ في جسدي , فهي دوايا ..
أحبُّ نِقاشَكِ العقيم ..
وسِهامَ عينيكِ الّتي تُجيدُ الرِّماية ..
أحبُّ قداستكِ الشيطانيّة
الّتي ما خَدَعَتْ سِوايا ..
أحبّ ُ طُهْرَكِ يا عذرائي
يا مَن صَلَبَتْ روحي في سمايا ..
أحبُّكِ .. وأعلمُ أنَّ حُبَّكِ جُنون ,
ولكنّي أحبُّ الجنون , فهوَ للخلودِ بداية .. … ….
فراغ …
كتبها adba
فراغ …
أحسُّ فراغاً فيَّ يجتاحُ كلَّ جزءٍ من أشلائي الباقية .. يقتلني .. يشدُّني نحو مستنقعه.. نحو قاعه اللامُتناهي .. يُصرُّ أن يُحطِّمني .. أن يجرَّني في الطّرقات من شعري ليُؤكِّدَ لي أنَّهُ أقوى منّي ..
لا أشكُّ في ذلكَ يا فراغي .. مُتأكِّدٌ من قوّتكَ و جبروتك وسطوتك .. تريدُ أن تقنعَني أنَّ لديكَ مركزاً بين الآلهة و أنا أعلمُ أنَّكَ إلهٌ في سمائهم .. تخطِّطُ معهُم وتنفِّذُ معهُم .. والضحايا أنا .. ونحنُ ..
ما بقا إلا يحجبو الانترنت ..!!!
كتبها adba
جايي ومتحمس على غرفتي .. دخلت بسرعة .. شعلت الضو .. فقست زر الكومبيوتر .. وبلشت استعجلو .. يللا يا حبيبيي .. يا عمري انتا .. يا قلبي .. المهم بعد ألف يا وييلاه مشي الحال .. وصرت ع الديسك توب..